Исфандийор Некқадамов

 

 

Исфандийор Некқадамов

 

Ҷаъм Кунат Бозӣҷ: Хушом Гулям

Душанбе -Таҷикистон

Ноябри 10 , 2019

 

Исфандийор Некқадамов (1978-2015)

Исфандийор Некқадамов – иказwеф шоиренê Бадахшẙн вудидê āмê хубаϑ соз­ат шер нивиштат, āмê дига созен аз хуɣнẙнê зив тар рӯсê гарδент. Хубаϑ Исфандийор ас Харағ, ас Гẙлакен кучā вуд.

12 умê июл солê 1978­йанд ар Бадахшẙнзамӣн ба дунйо йаϑч. Исфандийор хẙнāйанден ба ғайре wê вāд δуга зирйот: Нигинā­йат Гулрӯз. Аз ӡуликийаϑ Исфандийоранд ғулā шаwқ вуд тар х̌êйдоw, ху мактабê мис āлойаϑ тайор чӯд. Бāдê ху уҷҷатен сипорт тар Харағ Университет ба нẙмê йаке аз зӯртарӣн фарзанденê Бадахшẙн – Мойẙншо Назаршо⁸.

Ху êҷодийотê Исфандийор ас мактабê даwрāйаϑ сар чӯд. Дê waхтê рӯсê зивтê бех ̌ дê нивишт ху шêрен. Зибойê сар чӯд Лидуш созентê кор чӣд: ас хуɣнẙнийê тар рӯсê wеф гарδент. Ат ик wê wахт студент ца сӯт, китобенê дар бораê Помер зиндагê нивишт. Йиw аз wеф китобенанд «Студенческие годы» – «Студентê солен» вад. Дāδ китобенен лап машӯр вад байне wê амкурсен, ох̌нойен, йошен­ат студентенê Помер. Амо афсӯс дāδен ред ночоп ху беден.

Ба ғайрê Лидуш созен Исфандийорê тар ху охире умрард Мануч Абдулназар­ат Ранойê Мубориз созен мис тарҷума чӣдоw сар чӯд. Исфандийорê йê умрê русê зив тê ху китобен нивишт. Wинден рубойêенат созен мис йаст. Аммо хубаϑ лап wатандӯст вуд. Āмê ху халқ жӣwҷ чӯдат, āм ху зив.

Аз адабийотê Померанд йу сар лап урмат Устод Нодир Шанбêзода, Лидуш Абӣб, Waрқайê Охẙнийоз ат Сāшê Зайӣфê чӯд. Йе нақлийандê йакбор Исфандийор Исфандиёр Неккадамов аз деф шойирен лẙд нāла мāшанд мāш Сāдий­ат Офизат Хайẙмен икдāδ. Фанā одамен аз фук тарафен Исфандийор êҷодийот танқӣд чӯд. Аммо Исфандийорê ху корат ху менат бāс начӯд. Икид дẙнд wирд хуш найатидê йилāвенен wê созен ху нẙм­тê ца лẙд.

Бāдê ху студентê Исфандийор тӯйд тар Маскоw ху, то ху охирê умрецê тарам зиндагê чӯдат, го­го гах̌тê чуд ар ху Wатан. Тар Маскоw Исфандийор сут чӣд­ҷамāтдорат зирйотдор. Соле 2015­йанд аз дастê ху касалê Исфандийор охирẙн бор гах̌т чӯд ар ху макẙн. Бāдê чанд афтā, 25 апрел солê 2015­йанд Исфандийор ху 37 солагиндê аз динйо тӯйд.

اسفندیار نیکقدم اف

 

جعم کُن ات بازیج: خوشام غلام

گرڎېنیج اس سریلیک تر خُږنۈنے: سرورشاه ارکان

       دوشنبه- تاجیکستان

          ۱۰ نومبر ۲۰۱۹

اسفندیار نیکقدم اف( ۱۹۷۸- ۲۰۱۵)

اسفندیار نیکقدم- اِک اس وېڤ شاعرېنے بدخشۈن ڤُد ادے همے خُبݑ ساز ات شعر نِڤِشت ات، همے دِگه سازېن اس خُږنۈنے زِڤ تر روسے گرڎېنت. خُبݑ اسفندیار اس خَرَغ، اس گۈلکېن کُچه ڤُد.

 ۱۲ اُمے جون سال ۱۹۷۸ اند ار بدخشۈن زمین به دنیا یݑچ. اسفندیار خۈنه یند به غیرے وے ڤَد ڎوگه زِریات: نگینه یت گلروز.

 اس ځُلِکے یݑ اسفندیار اند غُله شوق قُد تر ښئیداو، خو مکتیے مِس اعلی یݑ تیار چود. بعدے خو وجتېن سِپارت تر 3 به نۈمے یکے اس زور ترین فرزندۈنے بدخشۈن- مایون شاه نظرشاه.

 خو ایجادیاتے اسفندیار اس مکتبے دوره یݑ سر چود. دے وختے روسے زِڤ تے بېښ دے نِڤِشت خو شعرېن.

زِبایے سر چود لېدوش سازېن تے کار چید: اس خُږنۈنے یے تر روسے وېڤ گرڎېنت. ات اِک وے وخت ښاگِرد څه سُت، کتابېنے در باره یے پامېر زندگے نِڤِشت. ییو اس وېڤ کتابېن اند”ښاگِردے سالېن”-( سالهای شاگردی)ڤَد. دهڎ کتابېن ېن لپ مشهور ڤَد بینے وے هم صنفے یېن، آښنایېن، یاشېن ات ښاگردېنے پامېر. اما افسوس دهڎېن رېد نا چاپ خو بېدین.

به غیرے لیدوش سازېن اسفندیارے تر خو آخِرے عمرارد منوچ عبدالنظر ات رحنایے مبارز سازېن مِس ترجمه چیداو سر چود.

 اسفندیارے یے عمرے روسے تے خو کتابېن نِڤِشت. وے ندېن رباعے یېن ات سازېن مِس یست. اما خُبݑ لپ وطندوست ڤُد. همے خو خلق ژیوج چود ات، هم خو زِڤ.

 از ادبیاتے پامېراند یو سر لپ حرمت استاد نادر شنبه زاده، لیدوش حبیب، ورقه یے آخۈن نیاز ات ساشه یے ضعیف( شیرین شاه) چود. یے نقلے یندے یکبار اسفندیار نیکقدم اس دېڤ شاعرېن لۈد نهله مٲش اند مٲش سعدے یت حافظ ات خیام ېن اِک دهڎ. فنه آدمېن اس فُک طرفېن اسفندیار ایجادیات تنقید چود. اما اسفندیارے خو کار ات خو محنت بهس نه چود. اِک اِد دۈند وے رد خوش نه یت ادے اِلهڤېن ېن وے سازېن خو نۈم تے څه لۈد.

 بعدے خو ښاگردے اسفندیار توید تر مسکو خو، تا خو آخرے عمرېڅے ترم زندگے چود ات، گاه-گاه گَښتے چود ار خو وطن. ترمسکو اسفندیار سُت چید جمعت دار ات زِریات دار. سالے ۲۰۱۵ یند اس دستے خو کسلے اسفندیار آخرۈن بار گَښت چود ار خو مکۈن. بعدے چند هفته، ۲۵ اپریل ۲۰۱۵ یند اسفندیار خو ۳۷ سالگے یند اس دنیا توید.

وے اروح خُسنود ات وے جای جنت اند ڤېد.

 

 

 

ФИЛЬМ НА ПАМИРСКОМ ЯЗЫКЕ!

Представляем вашему вниманию новый документальный фильм на ПАМИРСКОМ ЯЗЫКЕ! Фильм Хушома Гуляма о жизни и творчестве бадахшанского (памирского) поэта и переводчика Исфандиёра Неккадмова.

В этом фильме мы хотели показать, какие трудности были в жизни Исфандиёра, но ни смотря на них он продолжал своё великое дело – занимался переводами песен Лидуша Хабиба. Но по разным причинам они терялись, а ему не удавалось из-за финансовых проблем печатать свои переводы.

В этом фильме о творчестве Исфандиёра Неккадмова и о его заслугах говорят такие великие дети памирского народа как Саши Заифи, молодой режиссёр Шероз Хубоншоев, шугнаноязычный бард Мануч Абдулназаров, а также филологи, которые дают высокую оценку творчеству Исфандиёра, друзья и соратники Исфандиёра, которые рассказывают с какими трудности порой встречался в жизни Исфандиёр, и сестра Исфандиёра – Нигина Неккадмова, который рассказывает о причине смерти молодого Исфандиёра.

Дорогие памирцы, мы очень старались сделать все максимально на высшем уровне, но есть, наверное, вещи, которые мы упустили, есть моменты, которые бы нам хотелось исправить, но время и возможности больше нет. Я надеюсь на ваши понимание. С уважением Ваш #Khushom_Guliam_Хушом_Гулям.

Му помериен, йеда йига документални филм маш помери (хуɣнẙни) зивте дар бораи йиw аз маш шоирен-ат тарҷумẙнен Исфандийор Некқадамов наx̌тойд. Уз умеδ кинум ногин йидта дусикаϑ хуш тамард йоδд. Йеданд нақли тизд дар бораи икдийи царанги Исфандийор Некқадамов хоиx̌ чуд Лидуш Абӣб созен тар русси тарҷума чидо ху тамӯми урусзабẙнен балад чидоw еҷодийоти Лидуш Абӣб қатӣ.

Дам филманд нақли киx̌т йаке аз зуртарин шоирени Помир – Саши Заифи. Йиw аз маш актйорен – Шероз Хубоншоев. Йиw аз бардени Бадахшон Мануч Абдулназаров.

Йид филм запись сат ар Помер, тар Душанбе – йат тар Москва. Ичиз камбуди ца вид – бахиx̌ машард кинет. Маш қобили икдӯнд вуд.

Огромное спасибо моим братьям, которые работали над фильмом… Каждый из них вложил что-то в этот фильм. А именно Воҳид (Pmr lntlizori VoHid), Мануч Абдулназаров, Убайд Джонмирзоев (Памир Бадахшон) Султан Барзудиев. Кулуғет виродар!

С уважением Ваш #Khushom_Guliam_Хушом_Гулям.

Print Friendly, PDF & Email